يابنات مو كل من شرت دبدوب وحطت شمع بغرفتها تطلع رومنسيه

سلا111111111م

كلنا ندري إن البنات يحبون الفشخره والكشخه اللي مالها سنع وكل وحدتن تقول عندي الزين وأرده بالاحلى وهي ولله ماعندها ماعند شغالتنا السيرلانكيه

شوفوا اللي بتطفش من كلامي وبتعصب من الحقيقه لاتلوم إلى نفسها
مهوب يوم بكتب لكم الحقيقه تعصبون علي .. وش أسوي هذي حقيقتكم المره
دبلتوا كبدنا كل وحدتن مسويه حالها نعومه

وهي دفشه وتسوي حالها رومنسيه وهي دبشه وتسوي حالها برستيجيه وهي حتى تطقيم لبسها ماتعرف

مو كل من شرت دبدوب تطلع رومنسيه أنا مانام إلا دبدوبي بحضني يااااي تكفين صدقتك حاضنه خيشه بصل وتقول دبدوب
(( حاس كم وحدتن الحين مبققه عيونها فيني وتقول هين يالدب ))

أجل وحده تقول تصدقون اليوم شريت شمعات واوهـ بس على روعتها
وهي شاريه شمعات أم نص ريال اللي تجي درزن 12 حبه بسته ريال

ولاا الثانيه تقول أنا الحين منجدعه على سريري وهي تقول ددسن منقلبه على غمارتها من كبرها

.. الوزن الله لايوريكم لو سافرت على طياره أخذوا عليهارسوم ( شحوم زايده ) كله من البطاطس

حتى الميك أب >>>مدري كيف كتبتها صح

ماتعرف تشكل وجهها تقولون فأر طايح في طحين
( ولا اللثام او البرقع او النقاب صايرن أحمر وبني من كثر مايطبع فيه اللي بوجيهكم )

إلا متى وأنتم كذا ؟ من جدّ شيء يحز الخاطر ويقولون ليش للحين ماتزوجتوا !! نتزوج بنات خاليات من الرومنسيه ( اللي مره مره رومنسيه تقول ارش برقبتي عطر )
يبي لكم بصراحــه دوره في فن الرومنسيه بفرنسا .. نبي نرسل قروبات هناك علشان ترجعون لنا وكلكم رومنسيه ( أما فرنسا مره وحده .. لو للبنان يمكن بس تعرفون الوضع
هونيك بالحيل مايطمن وخوفن على سلامتكم بنرسلكم إلى فرنسا )

من جد إلى متى وانتم كذا .. غيروا طريقتكم بالحياه خليكم ذوق في كل شيء لبسكم جسمكم
وحتى مشيتكم يبي لها

7
7
7
7
7
7
7
7
7

(( بنات كم وحده معصبه ))
_________________